ՀՀ հանրային ծառայությունները կարգավորող հանձնաժողովի նախագահ Գարեգին Բաղրամյանն աշխատանքային այցով գտնվում էր Մոսկվայում՝ մասնակցելու Եվրասիական տնտեսական հանձնաժողովի կողմից կազմակերպված կլոր սեղանին:
Քննարկվել են ԵԱՏՄ գազի ընդհանուր շուկայի ձևավորման արդի հարցերը, անդամ պետությունների տնտեսվարող սուբյեկտների միջև բորսայական առևտրի իրականացման հեռանկարները և օրակարգային այլ հարցեր:
Միջազգային հանդիպմանը մասնակցել են Եվրասիական տնտեսական միության անդամ պետությունների իրավասու մարմինների, խոշոր գազային ընկերությունների, ապրանքային բորսաների, գիտական համայնքի ներկայացուցիչներ։