«ԱրմենՏել» ՓԲԸ-ի կողմից մատուցվող ծառայությունների սակագների սահմանելու, «ԱրմենՏել» ՓԲԸ-ին տրամադրված թիվ 60 լիցենզիայի փոփոխված տարբերակի հաստատելու, ինչպես նաև` էլեկտրոնային հաղորդակցությա
24/08/2007
Քննարկելով վերը նշված հարցերը` հանձնաժողովը որոշել է. անփոփոխ թողնել «ԱրմենՏել» փակ բաժնետիրական ընկերության կողմից մատուցվող հիմնական և ոչ հիմնական ծառայությունների գործող սակագները` դրանք համարելով վերահավասարակշռված և առավելագույն սակագներ:
Նպատակ ունենալով ազատականացնել հանրապետության էլեկտրոնային հաղորդակցության շուկան` հանձնաժողովը հաստատել է «ԱրմենՏել» փակ բաժնետիրական ընկերությանը տրամադրված թիվ 60 լիցենզիայի փոփոխված տարբերակը, որի համաձայն վերացվել են ընկերության հիմնական և ոչ հիմնական ծառայությունների մատուցման բացառիկ իրավունքները: Հաշվի առնելով վերոնշյալը` հանձնաժողովը հաստատել է նաև այլ լիցենզավորված անձանց հանրային էլեկտրոնային հաղորդակցության ցանցերով ելքային ձայնային ծառայությունների (VOIP) մատուցման կարգը:
2007 թվականի օգոստոսի 24-ի հանձնաժողովի նիստում ընդունված որոշումները ուժի մեջ կմտնեն 2007 թվականի հոկտեմբերի 1-ից:
ՀՀ հանրային ծառայությունները կարգավորող հանձնաժողով
24.08.2007թ.