«Հայջրմուղկոյուղի» և «Երևան ջուր» ՓԲԸ-ների կողմից կենցաղային կարիքների համար խմելու ջրի մատակարարմանը ներկայացվող սպասարկման որակի նվազագույն պահանջները հաստատելու մասին
28/09/2007
Հանձնաժողովը կայացրել է որոշումներ, որոնց համաձայն փոփոխված նոր պահանջներում ամրագրվել են սպառողների տոկոսային հարաբերություններն` ըստ ջրամատակարարման տևողության փաստացի ժամերի:
Ջրամատակարար ընկերություններն այսուհետև յուրաքանչյուր տարի հանձնաժողովի հաստատմանը կներկայացնեն սպառողների ջրամատակարարման տևողության փաստացի մեծությունները` տարեսկզբի դրությամբ և դրանց ծրագրային մեծությունները` հաջորդ տարեսկզբի համար: Նշված մոտեցումը ջրամատակարար ընկերություններին կպարտավորեցնի ջանքերն առաջին հերթին նպատակաուղղել ջրամատակարարման կարճ ժամանակահատված ունեցող սպառողների ջրամատակարարման տևողության բարելավմանը:
Որոշումներին կարելի է ծանոթանալ հանձնաժողովի ինտերնետային կայքում` www.psrc.am: