ՀՀ հանրային ծառայությունները կարգավորող հանձնաժողովի՝ հուլիսի 1-ի նիստում քննարկվել է «ՀայՌուսգազարդ» փակ բաժնետիրական ընկերության 2009-2011 թվականների ներդրումային ծրագրին համաձայնություն տալու»  մասին  հարցը:
  Հանձնաժողովը, քննարկելով վերը նշված հարցը, որոշել է համաձայնություն տալ «ՀայՌուսգազարդ» փակ բաժնետիրական ընկերության 2009-2011 թվականների ընթացքում իրականացվելիք ներդրումային ծրագրին՝ 61 մլրդ 615 մլն դրամ ծավալով` առանց ավելացված արժեքի հարկի, որից 2009 թվականին՝  27 մլրդ 129 մլն դրամ:
  «ՀայՌուսգազարդ» փակ բաժնետիրական ընկերության 2009-2011 թվականների ներդրումային ծրագիրը նպատակաուղղված է գազափոխադրման և գազաբաշխման համակարգերի, ինչպես նաև` Աբովյանի գազի ստորգետնյա պահեստարան-կայանի ընդլայնման ու վերակառուցման միջոցով համակարգի անվտանգության և հուսալիության մակարդակի բարձրացմանն ու սպառողների սպասարկման որակի բարելավմանը:
  Որոշման մանրամասներին կարելի է ծանոթանալ այստեղ :