ՀՀ հանրային ծառայությունները կարգավորող հանձնաժողովի` մայիսի 25-ին կայացած նիստում քննարկվել է «Երևան Ջուր» փակ բաժնետիրական ընկերության կողմից սպառողներին խմելու ջրի մատակարարման, ջրահեռացման և կեղտաջրերի մաքրման ծառայությունների մատուցման սակագների սահմանման մասին հարցը:
      Քննարկելով վերը նշված հարցը և, հաշվի առնելով Երևանի քաղաքապետարանի կողմից «Երևան Ջուր» փակ բաժնետիրական ընկերությանը տրամադրվելիք սուբսիդավորումը, հանձնաժողովը որոշել է` թողնել անփոփոխ  սպառողներին խմելու ջրի մատակարարման գործող գումարային սակագինը` 181 դրամ/խմ (ներառյալ ավելացված արժեքի հարկը):
Ընդունված որոշումն ուժի մեջ կմտնի 2010 թվականի հուլիսի  8-ից:
Որոշման մանրամասներին կարելի է ծանոթանալ հանձնաժողովի ինտերնետային կայքում` www.psrc.am:

ՀՀ հանրային ծառայությունները կարգավորող հանձնաժողով
25.05.2010թ.
ք.Երևան