Սույն թվականի հոկտեմբերի 19-ի ՀՀ հանրային ծառայությունները կարգավորող հանձնաժողովի նիստում քննարկվել և որոշմամբ սահմանվել են «ԱրմենՏել» փակ բաժնետիրական ընկերության...
19/10/2011
Այլընտրանքային սակագնային փաթեթները ներառում են ամսական բաժանորդային վճարը, տեղական, միջքաղաքային և դեպի ՀՀ բջջային ցանցեր զանգերի ծառայությունները: «ԱրմենՏել» ՓԲԸ-ի կողմից առաջարկված այլընտրանքային սակագնային փաթեթները նախատեսված են այն բաժանորդների համար, ովքեր հիմնականում օգտվում են միջքաղաքային և դեպի ՀՀ բջջային ցանցեր զանգերի ծառայություններից:
Այլընտրանքային սակագնային փաթեթները կարող են կիրառվել միայն բաժանորդի ցանկությամբ՝ վերջինիս գրավոր դիմումի հիման վրա:
Այլընտրանքային սակագնային փաթեթները կկիրառվեն 2012 թվականի հունվարի 1-ից՝ գործող սակագնային փաթեթներին զուգահեռ:
ՀՀ հանրային ծառայությունները կարգավորող հանձնաժողով
19.10.2011թ.