Սույն թվականի մարտի 30-31-ը ՀՀ հանրային ծառայությունները կարգավորող հանձնաժողովի նախաձեռնությամբ և ԱՄՆ միջազգային զարգացման գործակալության (USAID) աջակցությամբ կազմակերպել էր համատեղ սեմինար-քննարկում տնտեսական ոլորտը և հանրային ծառայությունների կարգավորման դաշտը լուսաբանող լրագրողների, ինչպես նաև սպառողների շահերը պաշտպանող հասարակական կազմակերպությունների համար:
Սեմինարին ողջույնի խոսքերով հանդես եկան ՀԾԿՀ նախագահ Գարեգին Բաղրամյանը և USAID շուկայի ազատականացում և էլեկտրականության առևտրի ծրագրի ղեկավար Ադամ Ստեֆանին և USAID շուկայի ազատականացում և էլեկտրականության առևտրի ծրագրի ղեկավարի տեղակալ Աբգար Բուդաղյանը:
Երկօրյա սեմինար-քննարկմանը ներկայացվեցին էլեկտրաէներգետիկական համակարգում տեղի ունեցող գործընթացների և ոլորտում իրականացվող բարեփոխումների վերաբերյալ հարցերը, ինչպես նաև էլեկտրաէներգետիկական շուկայի նոր մոդելը: